Xixón Baloncestu 87 - Estudiantes 88

El Xixón Baloncestu persió nel últimu segundu un partíu emocionantísimu nel que los xugadores, que lleven selmanes ensin cobrar, demostraron una gran profesionalidá remontando los 18 puntos de ventaya que-yos sacaba l'Estudiantes. El partíu empezó siendo un paséu pal Estudiantes, que celebraba los 500 alcuentros de Nacho Azofra, y namás Lou Roe trabayaba dalgo por un equipu que taba dexando furacos mui gordos en defensa, pero nel últimu cuartu, cuando yá paecía imposible la remontada, ente Roe y Larragán, qu'empató un triple tres otru, igualaron el marcador. A siete segundos del final, otru triple d'Emorís dába-yos a los de Moncho López la única ventaya en tol partíu, pero los xugadores del Xixón picaron como pininos na última xugada del alcuentru, na que Patterson metió la canasta del trunfu visitante. El Xixón, metíu nuna crisis económica y de resultaos, sigue de colista y perdiendo oportunidaes d'aguantar n'ACB