Xixón va estrenar la selmana qu'entra'l certame gastronómicu ‘Más que quesu’

Venti establecimientos de Xixón van participar nel certame gastronómicu ‘Más que quesu’ que va celebrase ente los díes 21 y 27 de marzu. Ésti, a diferencia d’otros entamaos na ciudá, destaca pol usu del asturianu nel nome.
 
La xente que s’avere a los chigres y restoranes que participen nesta iniciativa novedosa va poder prebar el quesu escoyíu pol establacimientu ente los 42 quesos que se faen n’Asturies xunto con una bébora, alcohólica o non alcohólica, tamién seleicionada polos responsables del llocal. Ente estes bebides nun s’almite la sidra natural, anque sí otres modalidaes como la sidra de mesa. El preciu máximu del quesu va ser de 3,50 euros, 5 col so acompañamientu.
 
Pa completar ‘Más que quesu’, el 27 de marzu va celebrase nel recintu ferial de Xixón l’eventu 'Fusión Final Gastronómica', nel que va habar una esposición de quesos y otres actividaes venceyaes a esti productu. Asína, cocineros asturianos como Luis Alberto Martínez, de Casa Fermín, n’Uviéu; o Lluis Nel Estrada, de Tierra Astur, van ofrecer delles propuestes culinarias col quesu como ingrediente. Esta iniciativa va desarrollase ente les 12 y les 15 hores.