'Xixón Sí Puede' gana les primaries de Podemos Xixón

Marío Suárez del Fueyo, de 'Xixón Sí Puede', resultó escoyíu secretariu xeneral de Podemos Xixón. Sumó'l 53 por cientu de los votos, pol 43,54 de la candidatura de 'Somos Asturies'.

El direutor del Colexu Públicu Xovellanos recibió un total de 689 votos, polos 566 de Xandru Fernández y los 45 del tercer candidatu, Humberto Escandón (3,46 por cientu). Xixón yera la plaza onde se presentaba más igualdá na seleición del secretariu xeneral llocal.

Nel restu de país, les persones que ganaron les votaciones son les siguientes: Rubén Rosón (Somos Asturies), n'Uviéu; Iván García Caso (Somos Asturies), en Siero; Elías López Valles (Somos Asturies), en Llangréu; Héctor Piernavieja (Somos Asturies), en Mieres; Lucía Montejo (Somos Asturies), en Corvera; David Martínez Clemente (Somos Asturies), en Villaviciosa; Anaya Caraduje (Somos Asturies), en Llanera; Carlos López Álvarez (Somos Asturies), en Carreño; Manuel Benayas (Somos Asturies), en Samartín del Rei Aurelio; Mateo Castro (Somos Asturies), en Cuideiru; Luis Román (Somos Asturies), en Ḷḷena; Unai Castaño, en Llaviana; María Eugenia Suárez Gutiérrez, en Gozón; Óscar Fernández-Campoamor (Somos Asturies), en Navia; Pilar Blanco Fernández (Somos Asturies), en Ribedeva; Pablo Martínez Testa (Somos Asturies), en Bimenes; María Jesús Ramos (Somos Asturies), en Morcín; Paula Valero (Somos Asturies), en Valle Altu de Peñamellera; Julián García Navarro (Somos Asturies), en Riosa; María Teresa Álvarez Acero (Somos Asturies), en Llanes; Miguel Ángel Somoano, en Ribeseya; Ignacio Antequera, en Sotu'l Barcu; Begoña Díaz Hernández (Somos Asturies), en Cabrales; Daniel de la Horra (Somos Asturies), en Valdés; Félix Faya (Somos Asturies), en Nava; Antonio López, en Piloña; Rubén Darío Norniella (Somos Asturies), en Parres; Ángel Rodríguez Moreno (Somos Asturies), La Ribera; y José Carbonell, en Cangues d'Onís. N'Avilés, los resultaos tán n'estudiu por la Comision de Garantíes Democrátiques y en Villayón nun se va constituyir muérganu municipal al nun llegar al 10 por cientu de participación.