Xixón acueye esti domingu una manifestación pol Sá.hara

L'Asociación Asturiana d'Amigos del Pueblu Sah.arianu convocó una manifestación esti domingu, en Xixón, sol lema 'Paz y Xusticia pal Pueblu Sah.arianu, Asturies nun escaez'.

La marcha va partir a les 12.00 hores dende la Plaza l’Humedal hasta la Plaza del Conceyu.
  
La manifestación va cuntar col sofitu de diverses organizaciones polítiques, sindicales y sociales, ente les que s'atopen el PSOE, PP, IX, Bloque por Asturies, Partíu Comunista d'Asturies, Mocedá Comunista d'Asturies, Asamblea de Ciudadanos pola Izquierda (Asciz), UPyD, UXT, CCOO, USU, CSI, Conseyu de la Mocedá, Plataforma de conceyos solidarios col sáh.ara, Coordinadora asturiana de ONGD, Comité de solidaridá cola causa árabe Observatoriu asturianu de Derechos Humanos pal Sáh.ara Occidental y la Comunidá de sah.arianos residentes n’Asturies.
  
L'oxetivu de la manifestación ye condergar los "pergraves" sucesos que tuvieron llugar nel esmantelamientu del campamentu de protesta 'Xusticia y Dignidá' y na ciudá ocupada de L’Ayún.

Coles mesmes, les distintes organizaciones conderguen "la violación de la llibertá de prensa, información y observación que tán sufriendo" periodistes europeos, representantes institucionales, ONGS, "a los que se-yos torgar l'accesu o se-yos espulsa del territoriu".
  
Amás, esixen a la Misión de les Naciones Xuníes pal Referéndum nel Sáh.ara Occidental (MINURSO), que se realice una investigación imparcial ya independiente, como yá pidió'l Senáu español na moción aprobada'l día 1 d'avientu y darréu el Congresu de los Diputaos.
  
Esixencies al Gobiernu español
Per otra parte, les organizaciones esixen al Gobiernu español que na so condición de potencia alministradora del Sáh.ara Occidental esplegue un papel activu a nivel internacional pa consiguir la celebración del referéndum tantes vegaes aplazáu por cuenta de les maniobres de obstrucción de Marruecos. D'esta forma, pretenden amosar la completa solidaridá y sofitu al Pueblu Saharagüi de la sociedá asturiana.