Xilberto Llano, Texón y Blanca Fernández, Autores nel Camín

Esta selmana hai cites en Castropol, Piedrasblancas, Tinéu, Ribeseya y Cangas.

Autores nel Camín sigue programando eventos esta primavera. Xilberto Llano, XIV Premiu María Josefa Canellada de lliteratura infantil y xuvenil con ‘Boliescritu de primavera’, va tar esta tarde a les 18 hores na Casa Conceyo de Castropol pa tener un alcuentru con llectores, mentes que'l vienres a les 17 hores va facer lo propiu nel Teatru Toreno de Cangas del Narcea.

Tamién esta tarde tien un actu Pablo Texón, XXIV Premiu Xuan María Acebal de poesía con ‘Cantar de ti mesma’, en concreto a les 19 hores nel Valey Centru Cultural de Castrillón. Completa l'activida d'Autores nel Camín la ganadora del Premiu Enriqueta González Rubín de narrativa moza, Blanca Fernández con ‘No que cinca los seres de lleenda’, que va tener una cita con escolares mañana a les 10 hores nel IES Avelino Cerra de Ribeseya y, yá de tarde, a les 18 hores, col públicu xeneral na Casa la Cultura de Tinéu.