Xera, Latira y Brandal actúen esti domingu na Nueche Celta de Granda

Esti domingu (21 hores) va celebrase la XV Nueche Celta de Granda. Xera, los astur-bretones Latira y la banda del occidente Brandal van actuar na carbayera d’esta parroquia xixonesa. Otra manera, Sambre toca esi mesmu día na 'Semana Negra'.
 
Como cada añu dende hai quince, la Nueche Celta de Granda torna a protagonizar el domingu de les fiestes de Santa Ana que se celebren estos díes na guapa carbayera de la parroquia. Nel cartel destaca la vuelta de Xera al escenariu xixonés cuatro años depués con una formación renovada y una bona cantidá de conciertos al llombu per ciudaes de toda Europa. Xunto a la banda de folk-electrónicu, van actuar Latira, grupu que toca temes tradicionales asturianos y bretones, y Brandal, banda de Cangas del Narcea que ta garrando un nome importante na escena asturiana.
 
Otres actuaciones interesantes de la fin de selmana ye la de Dixebra esta nueche en Teberga (22.30 hores, Parque Prehistóricu) dientro de les nomaes ‘Nueches Prehistóriques) y la de Sambre, mañana (20 hores), na carpa del Noise na ‘Semana Negra’ xunto con Boneshawk, The Rises y Nocivos.