Xemá presenta'l so discu n'Asturies

El domingu "Xemá" da un conciertu n'Uviéu pa presentar el so discu "Del Interior".

"Xemá" ye un grupu asturianu que va unos meses sacó'l so primer discu cola discográfica catalana "Ventilador Music". "Xemá" lleven trabayando dende 1998; nestos años sufrieron cambios na so formación y nel estilu musical, anque paez qu'agora toparon la estabilidá necesaria pa sacar el primer cd a la cai. El resultáu final ye un grupu que xunta'l soníu del folk acústicu con igües propies del pop; ensin escaecer la voz de la so cantante, la canaria Raquel Rosario. La formación d'anguaño ye David Feito nes Guitarres, voces; tamién ye compositor y fai les igües; Raquel Rosario na voz principal y compositora ; Josema Valencia col vigulín; Ricardo Soberado nes gaites y whistles; Aida Rodríguez na xiblata travesera y bohdram; Antón Fernández col baxu eléctricu; Jimmy Lázaro na batería y Andrés Alonso Tecláu y curdión.

Si queréis velos namás que tenéis que dir esti domingu a l'auditoriu Caxastur d'Uviéu a les 20:00 hores, la entrada ye de baldre.