Xandru Osuna y Ismael Arias, premios de periodismu n’asturianu

Xandru Osuna, presentador del programa "El Xorrecer d'Asturies" en Radio Vetusta, ganó'l premiu "Enriqueta González Rubín" de periodismu radiofónicu, dotáu con 3.000 euros, pol so programa "El Xorrecrer d'Asturies" que s'emite pela emisora uvieina Radio Vetusta. Collaborador tamién de la emisora independiente de Xixón "Radio Asgaya" el programa de Xandru sintióse al traviés d'Asturies.com la otra temporada nuna collaboración de la que recuperamos esta emisión.

D'otra manera, el premiu de periodismu escritu, dotáu tamién con 3.000 euros foi pa Ismael González Arias. El director de la Casa de Cultura de Mieres ganó'l premiu pol so artículu "La tonada como música culta asturiana" que s'espublizó nel suplementu de cultura asturiana del diariu "La Nueva España"