Xandru osuna gana'l premiu de periodismu n'asturianu

Xandru Osuna, presentador del programa "El Xorrecer d'Asturies" en Radio Vetusta, ganó'l premiu "Enriqueta González Rubín" de periodismu radiofónicu n'asturianu, dotáu con 3.000 euros, por una de les emisiones d'esti clásicu que s'emite dende va más de cinco años pela emisora uvieina Radio Vetusta. Collaborador tamién de la emisora independiente de Xixón "Radio Asgaya" el programa de Xandru Osuna en Radio Vetusta sintióse al traviés d'Asturies.com la otra temporada nuna collaboración de la que recuperamos esta emisión. A lo llargo de les prósimes selmanes, esta collaboración va volver a apaecer dientro d'Asturies.com.

D'otra manera, el premiu de periodismu escritu foi pa Ismael González Arias. El director de la Casa de Cultura de Mieres ganó'l premiu pol so artículu "La tonada como música culta asturiana" que s'espublizó nel suplementu de cultura asturiana del diariu "La Nueva España".