Woody Allen busca n’Avilés esteriores pa la so nueva película

El director de cine norteamericanu Woody Allen visitó ayeri Asturies col envís d’atopar escenarios pa la película que va rodar esti añu colos actores Javier Bardem y Penélope Cruz. Anque lo más de la trama tien llugar en Barcelona, Asturies, y exactamente Avilés, van apaecer na cinta. El faru de San Xuan de Nieva, el centru d’Avilés y Salinas foron los llugares que visitó Allen, que llevantó’l lóxicu torbolín d’almiradores y que dio un pase particular de la so última película “El sueño de Cassandra” na casa la cultura d’Avilés . Sicasí, el director de fotografía Javier Aguirresarobe, que va encargase de la película, alvirtió que nella van pesar más los actores que los paisaxes y que nun han esperase grandes panorámiques espectaculares .