Webs personales informen dende Irán

Irán vive dende esti vienres la mayor traxedia d'esti añu que ta p'acabar. Un terremotu de 6,3 graos na escala Richter foi abondo pa entamar una catástrofe na que'l gobiernu iraní, que de mano falaba de 15.000 víctimes, reconoz yá una cifra oficial de más de 30.000 muertos, los más d'ellos na ciudá de Bam, cerca del epicentru del temblíu.

Ello ye qu'Internet ta convirtiéndose nun de los medios que meyor tan dando la última hora dende Irán sobre'l terremotu, en cuantes qu'ellí son mui populares les páxines personales o "weblogs". Anque'l gobiernu iraní tien un control y censura mui fuertes sobre la rede, munchos de los pocos iraníes con accesu a la rede cuenten con diariu on-line, y bien d'ellos tan convirtiendo les sos páxines estos díes en diariossobre la catástrofe. El portal Vilaweb fizo un estoyu colos meyores, casu d'esti o d'esti otru, que, anque tan escritos en persa, apurren bien d'imáxenes sobre la catástrofe, y recomienda tamién la visita a Iranian Truth, que ta escritu n'Inglés y que tien enllaces a les ONGs que tan unviando ayuda al llugar.