Vuelve l'espaciu d'Inaciu Galán a TLG

Dempués del parón obligáu poles fiestes, vuelve a la programación de Televisión Local Xixón la sección de llingua asturiana del programa "El Café de la Tarde", que vien emitiéndose dende la seronda del añu pasáu. Nesta etapa nueva, que vuelve a presentar el periodista y collaborador d'Asturies.com Inaciu Galán y González, l'espaciu cambia de día, pasando de los llunes a los martes, pero calteniendo la hora de les cinco de la tarde y el mesmu conteníu sobre llingua y cultura asturianes, a lo llargo de media hora de programa na que se presenten les novedaes editoriales más interesantes y faise reseña de los actos más importantes a celebrar rellacionaos cola cultura asturiana, amás de responder les entrugues y duldes de los espectadores.