Vuelve la selección de balonmano

La Selección Asturiana de balonmano xuega esta tarde cola de Brasil nun partíu que supón la so reapaición dempués del últimu partíu que xugare va diez años. La intención de la Federación y la Dirección de Deportes d'Asturies ye da-y continuidá a la selección, que'esta tarde va axuntar a doce xugadores de la Lliga Asobal, lo que ye bona preba del altísimu nivel y tradición qu'hai n'asturies d'esti deporte, polo menos n'equipos de base y xuveniles, porque sigue ensin haber un equipu asturianu profesional.

La Federación Asturiana tien preparáu un web especial con tola información sobre esti alcuentru que se xuega en Pabellón de Deportes de La Guía de Xixón a les ocho la tarde. Enfrente va tar Brasil, 19ª nel últimu campeonatu mundial y vicecampeona d'América del Sur. El web de la federación braileira tamién fala del partíu. Yá hai bien de papel vendío y ye fácil que s'enllene'l Pabellón.