Vuelta ciclista a Asturies

L'actualidá deportiva n'Asturies dala esta selmana, más que los fracasos de los equipos de fútbol, l'entamu de la Vuelta Ciclista, qu'esti añu tien una participación de primer nivel, con ciclistes como Joséba Beloki, Oscar Sevilla, Leonardo Piepoli y la presencia de los equipos más importantes del pelotón. El recorríu, marcáu pola montaña, inclúi altos como'l de l'Acebu o'l de Somiedu, pel que pasarán los corredores nuna etapa qu'entrará en L.laciana, anque lo más nuevo ye qu'esti añu la clásica Subida al Monte Naranco cámbienla de setiembre a mayu y fadrá un poco d'etapa prólogu de la ronda.

Nel pelotón asturianu échense a faltar a Chechu Rubiera y Marcelino García, pero ello nun quier dicir que nun haya corredores bonos. Samuel Sánchez vien col equipu Euskaltel-Euskadi, ún de los más fuertes, mientres que Ricardo Valdés, nel so tercer añu de profesional, tendrá al Jazztel trabayando pa elli. Otro tanto pue dicise de Benjamín Noval, nel más modestu Relax-Fuenlabrada. El debutante Agustín Peña completa la representación asturiana nesta vuelta que pues seguir en directo a través del so web oficial