Vrienden gana'l concursu de bandes del IX Folkez Blai
|
15 Setiembre, 2014 por Redacción
La formación folk-fusión va tocar el próximu añu nel Getxo Folk y nel Folkez Blai tres vencer nel concursu de grupos del festival folk de Ermua
Había seis bandes escoyíes y Vrienden fueron los ganaores. La moza formación asturiana de folk-fusión-alternativu contaxó a públicu y xuráu na novena edición del Folkez Blai, un de los eventos folk más importantes del País Vascu que celébrase añalmente n'Ermua (Bizkaia).
Caracterizaos pola so frescura y el so folk acústicu innovador, Vrienden impunxéronse frente a los gallegos Alén de Ancos, los estremeños EnVerea, el catalanes Irish Corner y Naia, y los tamién asturianos Duerna. El premiu, amás de 3000 euros en metálicu, va ser tocar el próximu añu nel Folkez Blai y nel Getxo Folk, el festival del xéneru más destacáu del país vecín.
Con esta actuación el grupu pon fin a una intensa xira que los llevó a presentar el so discu debú a escenarios como'l del Festival Intercélticu de Lorient o la Noite Celta de Porcía. A partir de payares, la formación va trabayar en nueves composiciones con vistes a publicar un nuevu discu mientres el 2015.
Sofitu d'Ixuxú
La asociación de asturianos emigraos al País Vascu que fai de ponte sociocultural ente los dos pueblos, tuvo sofitando'l procesu de la participación de Vrienden nesti concursu.
Efrén d'Andrés
