Volvió Chávez

Una revuelta popular y militar punxo otra vegada a Hugo Chávez al mandu de Venezuela. L'estrañu golpe del vienres, que dexo'l gobiernu en manes del presidente de la patronal venezolana Pedro Carmona nun aguantó nel poder más que 48 hores nes que se comportó como una auténtica dictadura, xenerando la resquiebra hasta ente los sectores opuestos al gobiernu Chávez, que ganare va dos años les elecciones con mayoría absoluta. El trunfu de los partidarios de Chávez garró col pie cambiáu a les grandes potencies, sobremanera a los EEXX, que-yos faltare tiempu pa reconocer el nuevu gobiernu de Carmona y echar pa contra Chávez. De cualquier manera, entama un tiempu de dubies nel qu'habrá que ver si Chávez ye quien a afitase o si, pel contrariu, l'interés de la clase empresarial y les presiones internacionales acaben pudiendo más qu'elli. Pa saber más, los portales Rebelión.org y La Insignia siguieron los acontecimientos en Venezuela durante esti fin de selmana, amás de tener un estoyu d'artículos bien curiosu d'artículos d'opinión.