Visita de Luis Miguel Romero a Bruseles

El Director de l'Axencia Asturiana de la Emigración, Luis Miguel Fernández Romero, aconceyó esti fin de selmana coles Asociaciones asturianes en Bruseles pa evaluar l'actividá que se desarrolla na capital Belga por parte de los colectivos asturianos y p'apautar arcos nuevos de collaboración ente'l Gobiernu d'Asturies y el movimientu asociativu de la emigración asturiana na capital Europea. Ente les asociaciones y entidaes coles que faló Luis Miguel Romero tan el Centru Asturianu de Bruseles, la emisora "Radio Alma" formada por emigrantes asturianos, el Centru Cabraliegu de Bruseles, l'Asociación Asturianos en Bruseles (Asbru), la Peña Sportinguista Eloy, el Grupu folclóricu "La Santina" y l'Asociación d'Amigos de Morea y Llanes.

El director de l'Axencia entrevistóse cola directiva del Centru Asturianu de Bruseles pa tratar los términos exactos d'un conveniu especial pal desarrollu d'actividaes culturales nes que tamién van participar activamente'l restu d'asociaciones de Bruseles, entrevistándose tamién col director del Edificiu d'Asturies en Bruseles, Javier Velasco.

La reunión col colectivu valió tamién p'aclaria-yos a les asociaciones les duldes que pudieren tener respective a la convocatoria d'ayudes a la emigración acabantes d'espublizar nel BOPA y que tienen abiertu'l plazu pa solicitales hasta'l 3 de marzu

Luis Miguel Fernández Romero marchó dempués el domingu a Utrecht, n'Holanda, onde participó nun Alcuentru Nacional de la Emigración Española, actu en que-y presentó al colectivu d'emigrantes n'Holanda la esperiencia del Plan Asturianu d'Emigración.
El director de l'Axencia visitó a la comunidá Asturiana n'Utrecht y treslladóse al "Centru Brillante" onde s'entrevistó tamién col so presidente, l'asturianu Juan Fernández Fernández.