Visita a los centros del Uruguay y l'Arxentina

El Director de l'Axencia Asturiana d'Emigración visitó l'Arxentina y l'Uruguay, onde fizo una ronda d'entrevistes y presentó l'ayuda del Principáu a les comunidaes asturianes nestos países.

El Director de l'Axencia Asturiana d'Emigración, Luis Miguel Fernández Romero, entamó'l 26 de marzu una ronda de conceyos colos centros asturianos de l'Arxentina y l'Uruguay, colectivos enforma dañaos pola crisis económica de la rexón. En primer llugar, Romero tuvo na Residencia Asturiana del Club Tinetense de Bonos Aires, onde viven 16 ancianos asturianos. Al día dempués aconceyó con Manuel Cardín, director del Centru Asturianu de la capital arxentina, que-y esplicó que los aprietos económicos pelos que pasa'l país lleguen al estremu de que munchos socios nun tienen pa pagar la cuota d'abonu. El Director d'Emigración garantizó que los servicios qu'apurre'l Centru, sobremanera los sanitarios, que son los que tienen más solicitú, van caltenese por parte del Principáu y que van facese aportes acordies a la capacidá económica de cada sociu. El Director visitó tamién les instalaciones recreatives del centru nel "Campu Covadonga"

La visita americana de Fernández Romero siguió'l domingu 28 y el llunes 29 per Uruguay, au aconceyó col Presidente del Centru Asturianu, Horacio Díaz García, que-y esplicóla problemática de laeconomía uruguaya, arreyada forzósamente a la del país vecín. La xira remató con entrevistes colos centros de Rosario y Santa Fé n'Arxentina y el Centru Asturianu de Siero en Bonos Aires