Ente los díes 30 d'agostu y 2 de setiembre La Villa va contar con una completa programación con actuaciones de bandes de gaites, grupos folk, tonada y concursu de gaiteros. Amás de presentaciones, talleres, mercáu d'artesanía, pasucáis y festival gastronómicu.
No que cinca a los conciertos, Tarna subirase al escenariu'l xueves 30, siendo'l baille'l protagonista de la nueche del vienres cola celebración d'una Nueche en Danza cola participación de Herbamora L-R Tuenda y Pandereteres L'Algará.
El sábadu 1 de tarde van celebrase los XIII Alcuentros de Bandes de Gaites onde van participar les bandes: Orquesta de Foles (Portugal), Escuala de Dulzaina 'Collara y Campo Áspero' (Segovia - Valladolid), Escola de Gaitas de Ortigueira (Galicia), Banda Gaites 'Castro Bergidum' (El Bierzu), Banda Gaites 'El Gumial' (Asturies) y Banda Gaites 'Villaviciosa - El Gaitero' (Asturies).
Na Nueche Folk del sábadu va tar a cargo de Vallarna (Castiella - Cantabria), Anxo Lorenzo (Galicia), y Skama la rede (Asturies).
Amás de concientos, tenemos un programa completu con talleres y presentaciones al rodiu de la música tradicional y la gaita, una fiesta de la sidra y pasucáis de bandes de gaites el sábadu, mercáu d'artesanía, bandines pelos chigres y festival gastronómicu.
El Festival pesllarase la tarde del domingu de tarde col III Certame FIG de Canción Asturiana y el VIII Concursu de Gaiteros 'Memorial José Huerta'.
Adxuntu | Tamañu |
---|---|
![]() | 89.64 KB |