Villaviciosa abre un centru d'interpretación del románicu local

La Fundación Cardín abrió ayeri la Casina de la Oliva, nuevu centru d'información sobre'l románicu y prerrománicu de Maliayo

Villaviciosa cuenta con un catálogu d'arte prerrománicu y románicu d'altor, nel que s'enxerten hasta 25 ilesies y conventos. Exemplos sobresalientes del arte de la monarquía asturiana como la ilesia de Valdediós o del románicu más puru, casu de la ilesia de San Xuan d'Amandi o la mesma ilesia de la Oliva nel centru d la Villa y cola qu'atiesta'l nuevu centru d'interpretación son parte d'esti riquísimu patrimoniu.

De momentu, nel centru tan disponibles 25 cartafueyos esplicando caún de los monumentos que puen visitase en Villaviciosa y tamién dellos paneles con información. La casa va tar abierta tol añu y tien horariu de 10.30 a 14.00h y peles tardes de 16.00 a 19.00h, anque pieslla los llunes