Vil.lar de Vildas nun respondió a d'Andrés

El galardón al Pueblu Exemplar d'Asturies, qu'entrega la Fundación Príncipe d'Asturies y que ta dotáu con venticinco mil euros va esti añu pa Vil.lar de Vildas, el pueblu somedán que s'asitia na entrada a la Braña de la Pornacal. Vil.lar de Vildas dexó atrás más de venti candidatos, ente ellos Sariegu, que quedó finalista.

Una gran pancarta n'asturianu celebraba nel pequeñu conceyu del centru-oriente d'Asturies el llegar hasta la final al mesmu tiempu qu'anunciaba la intención de los sareganosde presentase otra vuelta nel 2005, pero en Vil.lar de Vildas paez que nun va haber presencia del asturianu. Ello ye que'l director de la Oficina de Política Llingüística unvió namás conocese la noticia

de la concesión del premiu, a mediaos de setiembre, una carta al alcalde de Somiedu convidándolu a emplegar l'asturianu nunos actos tan emblemáticos y que-y daben tanta repercusión al pueblu. La carta quedó ensin rempuesta.

Cuando-y dieron el premiu a Vil.lar de Vildas, el xuráu destacó como lo qu'a primeros de los 90 yera un pueblu mal comunicáu con economía basada n'agricultura y la ganadería supo tresformase cola llegada del turismu masivu a Somiedu ensin perder el so raigón, como pue vese nel mantenimientu de la población y nel fechu de qu'esti pueblu del Pigüeña seya ún de los que meyor caltuvieron la vaca d'Asturiana de los Valles cuando Asturies importaba vaques d'otres races. La bona conservación de les 65 cabanes de teitu del pueblu, llabor que faen artesanalmente los mesmos vecinos y la bona conservación de tolos elementos y espacios comunales del pueblu ficieron a esti pueblu merecedor del pueblu al paecer del xuráu.

Nun paez que la conservación de la llingua cuente pa facer méritos.