Villa nun va tar nel mitin socialista

La FSA-PSOE celebra esta tarde a les 19:00 en Palaciu de Deportes de La Guía de Xixón el mitin grande de la campaña electoral, nel que van tar presentes J.L. Rodríguez Zapatero, secretariu xeneral del PSOE, el candidatu por Asturies Vicente Álvarez Areces y la candidata por Xixón Paz Fernández Felgueroso. Los socialistes repiten otru añu más escenariu pal mitin grande de de la campaña, pero falta ún de los ponentes que tábemos avezaos a ver nesta cita.

Ello ye que'l líder del SOMA nun ta na llista de los que van falar. Les pallabres de José Ángel Fernández Villa siempres tuvieron presentes hasta agora nos mítines grandes del partíu, neto que la riestra d'autocares que diben con elli dende les cuenques mineres pa escuchalu. Entérate de tolo rellacionao coles elecciones nel especial d'Asturies.com