Villa contra l'economista

La concesión del premiu d'Economía de la Fundación Bancu Herrero punxo de moda n'Asturies a Xavier Sala i Martí, un catalán que pon clas d'economía na Universidá de Columbia (Nueva York). L'economista aprovechó la entrega del premiu pa criticar la política que se fizo n'Asturies d'entregar prexubilaciones masives que, al paecer del economista, nun contribúin a renovar la economía del país y namás valen "pa tapar el paro". L'atrevimientu d'esti economista al criticar dende una perspectiva lliberal, el fenómenu de les prexubilaciones, valió pa engafentar al líder sindical por antonomasia d'Asturies, José ángel Fernández Villa, líder del SOMA que-y dedicó al economista una retafila de llevantos como diba tiempu nun se recordaba.Nel web personal d'esti heterodoxu economista espertu n'estratexes d'ayuda a países en desarrollu y opuestu a los movimientos antiglobalización, puede lleese la polémica entera ente los dos y hasta les opiniones que-y mandaron al profesor dellos asturianos sobre'l tema. Amás de ver como l'economista neolliberal y el sindicalista "paleomarxista" (Definición de Sala i Martí) se ponen pingando, puen visitase secciones que parez que nun concueyen muncho cola imaxe que tien que dar un profesor universitariu como esta sobre la Guerra d'Afganistán. Quien quiera entrar dende la portada y velo too que nun s'asuste.

Contador Estadistiques