Veranu <I>latino</I>

Col conciertu de güei nel Carlos Tartiere d'Uviéu, sedrá yá la segunda vegada que los rapazos del programa de la Televisión Española "Operación Triunfo" vengan a canciar a Asturies. La primer vez, en Llangréu nun ye que trunfaren precisamente (1.500 espectadores) pero lo cierto ye qu'esti veranu vamos fartanos de velos per equí. Con actuaciones yá apalabraes pa dar polo menos media docena de conciertos en Xixón, Uviéu, Avilés y Corvera, los trunfadores de la tele nun son namás que la parte más escandalosa d'un veranu que n'Asturies va tar domináu pol soníu "latino" manifestáu nes figures más populares de la música española: Café Quijano, La Cabra Mecánica, Estopa, Chayanne o Niña Pastori, que en dellos casos repiten actuación nes ciudaes más importantes son les estrelles d'unos meses nos que les demás alternatives musicales nun van tener munchu sitiu énte l'avalancha del rock, pop y canción melódica en castellanu. Namás unos pocos conciertos como'l de Yann Tiersen en Xixón y delles actuaciones más vienen a dar una rabasera d'aire fresco a unes programaciones bastante semeyes les unes de les otres y nes que la música asturiana tampoco tien una contratación curiosa, como tolos años. Amás de que consultes les actuaciones pa esti veranu na guía Asturiactiva, convidámoste tamién a participar na encuesta de veranu en Conceyu Abiertu: ¿Parezte que la programación pa esti veranu ye un poco conservadora o pienses que ta bien?RESULTÁU D'ESTA ENCUESTA (¿Qué te parecen los conciertos qu'hai pa esti veranu?
Total de votos contabilizados: 200
Nun me presten. Ye too música ramplono

: 67.50% (135 votos)Nun me presten, pero si ye lo que trunfa, tendrán que traelo

: 13.00% (26 votos)

Préstenme abondo

: 7.50% (15 votos)

Nun me da más pola música

: 12.00% (24 votos)

Contador Estadistiques