Vecinos de Tresona quéxense de la contaminación de Fertiberia

Vecinos de Tresona tuvieron que trancar ayeri toles ventanes de les cases, peles qu'entraba' fumu y la polvareda procedentes de la fábrica d'abonos de Fertiberia. Los vecinos dieron parte de la situación a al Colectivu Ecoloxista d'Avilés, que se comprometió a tresllada-y a l'alministración la precaria situación de la fábrica de Tresona onde nun ye la primer vegada que los vecinos denuncien estes situaciones, que se dan más cuando lleva tiempu ensin llover.

Pa los ecoloxistes ye importante que la empresa ponga al día les sos instalaciones si se quier garantizar el futuru de la planta d'abonos nítricos y afitar los puestos de trabayu que queden nella, y quéxense de que l'alministración autonómica y local nun tomen en serio'l problema, denunciando que se lleven firmaos bien que la empresa nunca nun cumple, ente otros motivos porque ye consciente de que l'alministración nun tien intención de sancionala.