Valledor y Iglesias ven posible repetir l'alcuerdu col Bloque por Asturies nel 2007

Dempués de qu'ayeri'l Bloque por Asturies diere anuncia de la presentación de la so candidatura a la presidencia d'Asturies con Rafael Palacios decandidatu, al empar que sorrayaba que nun había diálogu en marcha colos sos socios d'IX, formación cola que se presentaron a les autonómiques del 2003, los dirixentes d'IX emitieron mensaxes en positivo con vistes a que'l pautu ente IX y BA puea repetise nel 2007.

El secretariu d'IX y candidatu pal 2007 Jesús Iglesias esplicó nesti sentíu que la so organización cuenta con entamar el diálogu col Bloque nel mes de setiembre col oxetivu de reeditar pautu y adelantó qu'IX va poner tolo que puea de la so parte pa qu'ello puea llograse. El Conseyeru Valledor foi más allá y declaró que-y abultaben comprensibles les crítiques del Bloque énte lo que calificó de "torpeza" por parte d'IX por nun entamar diálogu col partíu que dirixen Roberto Colunga y Rafael Palacios, apuntando que yera preciso meyorar los mecanismos de diálogu con esta fuerza y ser más autocríticos nesti sentíu.