V edición de la nueche folk de Baiña

La localidá mierense entama otra vuelta'l so festival, "Baiña +o- Celta".

Esti vienres ventisiete va ser la V edición de la nueche folk "Baiña +o- Celta". Esti conciertu organizáu conxuntamente pola conceyalía de festexos de Mieres y la Hermandá de Festexos de San Bartolomé de Baiña trae anguaño cuatro grupos y una actuación de tonada. A les 23:00 hores la música va entamar cola actuación de la cantante de tonada Liliana Castañón, esta vegada ensin la so banda cola que sacó'l so discu "Liliana Castañón Quartet". Darréu van venir los grupos coles actuaciones de "Cántara" colos sones del so últimu discu "Letía", el grupu cántabru "Cahornega" que gasta un folk acústicu averao a grupos asturianos como los sos compañeros d'escenariu esa nueche, "La Col.la Propinde", a la que diba tiempu que nun veimos peles nueches folk. P'acabar agro-rock n'asturianu de la mano de "Los Berrones".