Uviéu, conceyu 24 na llista de la Xunta de Toponimia

Confirmando les bones anuncies que llegaben dende la capital asturiana nel terrén de la normalización, Uviéu dio ayeri un pasu alantre al alcordar la Comisión de Cultura por unanimidá que'l conceyu-y pida a la Xunta de Toponimia la ellaboración del espediente toponímicu del conceyu.

Xunta esta solicitú a la Xunta de Toponimia, que va facer d'Uviéu en concretándose'l conceyu 24 na llista de los que van pidiendo la igua de los sos topónimos, y l'últimu de los conceyos de más de 50.000 habitantes que quedaben por facelo, l'Ayuntamientu uvieín tien intención de sacar alantre un conveniu cola Academia de la Llingua Asturiana, como yá adelantare Asturies.com nel mes de xineru. Ente los puntos que va incluyir esti conveniu ta la creación d'un concursu lliterariu n'asturianu con una financiación de 6.000 euros y la creación de dos beques d'investigación toponímica sobre'l conceyu.