Uviéu 3 - Getafe 4

L'Uviéu tuvo el todo y la nada nel partíu d'ayeri, nel que remontó un 0-2 pa depués acabar perdiendo por 3-4. El resultáu final y como se desarrolló'l partíu demuestren lo desarmada que ta la defensa carbayona, qu'encaxó rápidamente los dos primeros goles y depués nun supo guardar un resultáu a favor xugando en casa. El bochornu azul ye entovía más gordu porque los dos goles colos que perdió'l partíu metiéronlos xugadores asturianos en la propia. N'ataque, Engonga, Losada y Oli foron los autores de los tres goles carbayones, anque ún d'ellos llegare nun penalty que namás vio l'árbitrio.