Uviéu 2 - Elche 1

L'Uviéu empieza a creyer nel milagru, y tien agora la permanencia a tiru de cuatro puntos depués de firmar el segundu trunfu seguíu en casa. Anque Meca adelantare enseguida al Elche, Pablo Díaz foi quien a empatar pa los carbayones nuna xugada de fortuna, abriendo'l tarrén pa un partíu más fácil na segunda parte, onde los azules salieron convencíos y al ataque. David Cano entamó espetando un trallazu na madera y Sergio marcó a balón paráu un gol bien curiosu que-yos valió'l trunfu a los de la capital, qu'agora suañen cola permanencia.