Uviéu 1 - Eibar 2

Los azules van poniendo cada selmana otru clavu nel caxón col que van enterrase en segunda B, y ayeri en casa nun foron quien nin a xugar decentemente contra un rival directu como ye l'Eibar, conxuntu en que la llegada del ex-sportinguista Igor Lediakhov parez que ta cuayando en xuegu y resultaos. El rusu y Aitor, otru vieyu futbolista del Sporting, foron los que llevaron el pesu d'un partíu ensin historia nel que l'Uviéu nun fizo actu de presencia namás que pa marcar el gol de la vergoña por mediación de Fran. El porteru carbayón, Jonathan, tuvo una tarde pa escaecer y suerte tuvo de que Lediakhov nun llegare a convertir les ocasiones que tuvo, porque a la defensa mareola. N'ataque, l'Uviéu namás tiró a puerta una vez na primer parte y, anque tuvo más presencia na segunda, ello foi cola la desesperación del que sabe que s'afuega