Uviéu 0 - Ejido 3

Tres l'espeyismu del trunfu la otra selmana, los carbayones volvieron otra vegada a la cruda realidá que confirma la clasificación. El peor equipu de la segunda división careció otra vuelta los furacos d'una defensa que ye'l mayor coladeru de la categoría. Anque l'aciertu atacante de los asturianos suel vale-yos pa equilibrar los marcadores, lo cierto ye qu'esta vegada nun tuvieron nin eso pa consolase, y namás el futbolista de Costa de Marfil Keita dio un poco de calidá al xuegu d'un equipu tristayu por demás que sigue empozáu en puestu de descensu a Segunda B ensin traza de ser quien a salir del furacu.