Unión URAS-PAS comprométese cola mocedá a crear 15.000 emplegos en trés años

Xuan Xosé Sánchez Vicente, candidatu d’Unión URAS-PAS, asoleyó un vidiu en Youtube onde fala de les intenciones de la formación pa cola mocedá. La coalición comprométese a crear 15.000 emplegos en trés años.

 

“El nuesu compromisu ye crear 15.000 emplegos en tres años, una cifra modesta pero asumible, y poner l’oxetivu en llegar a les 500.000 personas emplegaes pa normalizar la situación de la nuesa población activa y de la nuesa economía”, señalen dende la formación política, que dio a conocer les sos propuestes pa la mocedá nel tema del emplegu. Sánchez Vicente asoleyó un vidiu en Youtube onde fai una intervención política na qu’apunta que la xente mozo asturiano necesita formación y emplegu nel país, dos asuntos nos que va trabayar Unión URAS-PAS.

 

D’igual forma, el candidatu de la coalición asturianista marca como otro de los sos compromisos el dar la posibilidá de tornar al país a los asturianos forciaos a emigrar.