Unión Asturianista presentó'l so emblema

La coalición política ente Partíu Asturianista (PAS) y Unión Renovadora Asturiana (URAS) que va participar a les elecciones autonómiques del 2007 col oxetivu de llograr representación na cámara parlamentaria autonómica presentó ayeri l'emblema col que va anunciase la coalición na propaganda electoral y nes papeletes de votu, que consiste nuna silueta del mapa d'Asturies cola Cruz de la victoria inxerta y el nome de la opción política enriba.

L'alcuerdu pol que PAS y URAS, dos partíos que tuvieron representación na Xunta Xeneral del Principáu per separáu y que la perdieron, el PAS tres de les elecciones del 1999 y URAS nes del 2003, espeya que'l candidatu de la formación en mayu del 2007 va ser Sergio Marqués, anque'l que fuere presidente d'Asturies ente 1995 y 1999 alternaría l'escañu na Xunta Xeneral, en casu d'obtenelu, col líder del PAS Xuan Xósé Sánchez Vicente. Dambos definen a UAS como un proyectu "asturianista, progresista y de centru lliberal".