UNA-Xixón va solicitar al Plenu los costos xudiciales del Conceyu

La vocera d’UNA-Xixón, Yolanda González, va presentar esta moción col oxetivu de que la ciudadanía conoza lo que gasta’l Conceyu en solucionar “los innumerables conflictos urbanísticos y llaborales del actual gobiernu de PSOE ya IX”.

Dende UNA esplique qu’esta moción ye “un toque d’atención a la cantidá de xuicios en materia urbanístico y llaboral, y causi toos con resultancies negatives pal Conceyu”, daqué que, en palabres de los nacionalistes, ye “una amosanza más de la xestión nefasta que'l PSOE ya IX llevaron a lo llargo d'estos últimos siete años y que quieren que paguemos tola ciudadanía”.

Nesti sen, González afirmó que van solicitar “los gastos de profesionales esternos, asesores, abogaos, procuradores y peritos; y les hores de los mesmos servicios xurídicos municipales”, sobre los qu’opina que tendríen de tar “pa defender a los intereses xenerales de Xixón y non a los intereses partidistes del gobiernu municipal”.

“Inalmisible” en tiempos de crisis
“La mala xestión ye siempre inalmisible, pero ye especialmente grave cuando por una crisis que nun provoquemos la ciudadanía, recorten derechos, prestaciones y servicios”, criticó .a vocera d’UNA-Xixón.

Por último, González sentención que “PSOE ya IX en Xixón siguen pensando que les instituciones tán al so serviciu y non al serviciu de los ciudadanos” concluyó Yolanda González.