Una visión asturiana de la Guerra de Marruecos

L'Atenéu Obreru de Xixón presentará esta tarde'l llibru 'Cróniques de la Guerra de Marruecos', nel que se recueyen les informaciones qu'espublizo ente setiembre del 1921 y agostu del 1922 el desapaecíu periódicu local demócrata "El Noroeste".

El llibru, que sal espublizáu dientro de la colección Fortuna Balnearia, ye una edición que corrió a cargu del , Profesor Titular de Lliteratura Española na Universidá de Valladolid, José Ramón González, encargáu de facer l'estoyu de testos y l'antoxana del llibru. La obra axunta toles cróniques de José Díaz Fernández sobre la Guerra de Marruecos, un socesu históricu que debilitó enforma la posición del Rei Alfonso XIII, que tenía cada vegada más difícil caltener el tronu énte los grandes desastres militares españoles na guerra contra los independentistes marroquinos, ente los que rescampló la derrota d'Annual nel 21. Toes aquelles cróniques de guerra, que tuvieron una gran repercusión social nel so tiempu, supunxeron l'aniciu d'una carrera periodística que José Díaz Fernández caltuvo tres de la Guerra Civil nel so exiliu en Francia, onde morrió nel añu 1941
.