Una pareya procedente de Barcelona suma dos casos más de COVID-19 mientres 73 persones siguen en vixilancia

|
Coronavirus SARS-CoV-2

Yá son 17 los casos de COVID-19 rexistraos n’Asturies nes selmanes últimes, positivos que tienen en vixilancia a 73 persones nestos momentos por ser contautos estrechos. La Conseyería de Salú confirmó esti xueves dos más, na área sanitaria de Cangas del Narcea, que correspuenden a una pareya procedente de Barcelona .

Un home ta ingresáu nell Hospital Universitario Central d’Asturies (HUCA) tres ser atendíu nel Hospital Carmen y Severo Ochoa al presentar síntomes compatibles cola COVID-19. Mentes, la so compañera, ye asintomática y ta aisllada mientres pasa la enfermedá causada pol coronavirus SARS-CoV-2.

El Serviciu de Vixilancia Epidemiolóxica de la Conseyería de Salú controla anguaño a 73 contautos estrechos de los positivos últimos, 17, de los que 13 son importaos y 4 correspuenden a persones venceyaes a les persones afeutaes. D’esta manera ta consiguiéndose controlar la tresmisión del coronavirus nel país.

Contador Estadistiques