Una encuesta señala que’l pasaxeru tipu del aeropuertu ye un usuariu habitual de 42 años

AENA espublizó esti miércoles una encuesta fecha ente los viaxeros qu’usen l’Aeropuertu d’Asturies pa conocer cómo ye’l pasaxeru tipu de la terminal. Ésti ye un home de 42 años que viaxa 9,2 veces al añu.
 
Esta encuesta tamién señala que’l 55,4 por cientu de los pasaxeros son homes y el 44,3 por cientu, muyeres, un porcentaxe que xubió nos años últimos. Nel 2003, el 37,3 por cientu de los usarios del aeropuertu de Santiagu’l Monte yeren de sexu femenín, mentes que trés años depúes pasó a ser del 42,2 por cientu. No que respeuta a la edá, la franxa d’edá que más viaxa ye la de los 30 a los 49 años, al incluyir a un 50,4 por cientu de los usuarios del aeropuerto. El 20,6 por cientu tán ente los 50 y 64 años; el 7,8 por cientu ye mayor de 64 años; el 18 por cientu tien ente 15 y 29 años; y el 3,1 por cientu ye menor de 15 años.
 
Otru datu interesante ye que’l 42,3 por cientu de los pasaxeros ye usuariu del aeropuertu por viaxes de negocios; el 29,7 por cientu, por vacaciones; y el 22,4 por cientu utiliza l’aeropuertu pa visitar parientes y amigos. Amás, la encuesta señala que los viaxeros de la terminal asturiana son habituales: el 40,1 por cientu fai más de siete viajes al añu, y el 38,2 por cientu, ente dos y seis.