Una cinta n'árabe enancha les sospeches

En rueda de prensa, el ministru Acebes ta acabante d'esplicar los adelantos que lleva fecha la investigación sobre los atentaos d'esta mañana en Madrid. El datu más importante qu'apurrió Acebes foi l'apaición d'una furgoneta robada en febreru na que se guardaben siete detonadores y que llevaba puesta una cinta de música con versículos del corán. En conociéndose esta revelación, Acebes camudó les sos primeres declaraciones de pola mañana en qu'echaba la culpa a ETA y calificaba de "intosicación inalmisible" pensar en cualquier otra autoría y diz que anque ETA ye la primer sospechosa, yá nun se considera como hipótesis única que fuere un atentáu de la banda terrorista vasca, y qu'agora tan estudiándose otres posibilidaes, anque la furgoneta pue ser un "elementu de confusión"