Una campaña viral per WhatsApp da respuesta con infografíes a les mentires llanzaes contra l'asturianu

Estes selmanes, una vegada abiertes les negociaciones sobre la reforma del Estatutu d’Autonomía pa incluyir la oficialidá, tamos viviendo ataques continuos hacia l’asturianu basaos mayormente en falsedaes. Una campaña viral per WhatsApp da respuestes a munches d’estes mentires con delles infografíes en castellanu.

A lo llargo del día munches persones recibieron esti material al so móvil, conteníu que nun apara de compartise magar la cayida de serviciu que ta viviendo esta tarde esta aplicación de mensaxería. Son dellos documentos fechos a partir de la campaña “de desinformación” entamada n’Asturies “que dan pie al mieu y l’enfrentamientu”, según apunta un testu que los acompañen.

“L’asturianu que quieren oficializar ye un inventu”, “l’asturianu ye una llingua que naide nun fala”, “en cada pueblu fálase un asturianu diferente” son dalgunos de les afirmaciones llanzaes en medios de comunicación y redes sociales polos contrarios a la igualdá de derechos de los falantes d’asturianu y gallego-asturiano colos de castellanu n’Asturies, que cada infografía rebate con argumentos. La intención ye dar información pa usar frente a “les desinformaciones y prexuicios” que salen a la lluz con fuercia estes selmanes, yá sía cola xente cercano o nos alderiques dixitales.

Nos documentos axuntos a esta noticia pues consultalos y descargalos.