Un videu n'asturianu sobre'l consumu de productos del país faise viral en redes sociales

El capítulu de 'La Casería' suma más de 100.000 visualizaciones en 24 hores.

Un videu de Saúl Molleda, presentador de la canal de YouTube integrada na plataforma PlayPresta de conteníos en llingua asturiana, convirtióse en viral tres espublizase ayeri en redes sociales. Nel mesmu esti ganaderu mozu fai una defensa de los productos asturianos y llama "a tirar polo nuestro" consumiendo preferentemente carne, lleche y pexes del país, amás de sidra DOP, "porque asina siempre vamos apoyanos".