Un Úlos? Ocultista

El rexistru d'entraes esta selmana nel buscador de webs asturianes úlos? ye de los más abondantes que se vieron nos cinco años d'historia del buscador. Por supuesto, estos díes diéronse d'alta webs d'empreses y profesionales, ente ellos quiciás el más curiosu seya'l de la restauradora d'obres d'arte y antigüedaes Lucía álvarez. Otramiente, por diseñu hai que destacar la páxina de "Montañas del Norte", un web de turismu rural del oriente asturianu.Sicasí, esta selmana la noticia nel Úlos? ye que'l buscador rexistró la so primer entrada nel mundu de la paraciencia y l'ocultismu, una sección qu'entovía nun ta creada pero qu'habrá que facer. La adivina y echadora de cartes carbayona Miranda Tarot tendrá l'arguyu d'inaugurala.La música tamién tuvo un furacu pel qu'entrar esta selmana na base de datos del buscador asturianu. Anque una migaya "retro", el web del grupu de rock de la cuenca Stukas y el del Gaiteru de Llonín son les dos entraes más importantes nesta estaya.Pa dar d'alta un web nel Úlos? nun hai más que rellenar esti formulariu. L'únicu requisitu pa enxertar un web nel buscador ye que tenga conteníos rellacionaos con Asturies.