Un trabayu universitariu recupera la toponimia de Siero

El Centru de Desarrollu y Cooperación Territorial (CeCodet) de la Universidá d'Uviéu y l'Ayuntamientu de Siero tan acabantes de rematar un proyectu d'investigación entituláu "Revisión del Nomenclátor del conceyu de Siero". El noyu d'esti proyectu yera facer un analís históricu del Nomenclátor de población, peñerando los datos históricos y siguiendo la evolución de les estremaes entidaes de población a lo llargo'l tiempu ente 1857 y 1996, añu en que dexó d'espublizase esta fonte estadística. Tres d'un trabayu de campu que se fizo n'andecha colos alcaldes de barriu y con xente del conceyu qu'aportó información. Con tolo que s'atropó fízose un documentu nuevu nel que se rexistraron los llugares por parroquies y se recuperaron los topónimos tradicionales pa cada entidá. Nel proyectu tamién s'enxertaron les llendes de cada parroquia, iguando dellos erros. Toa esta información púnxose nuna base cartográfica, faciéndose un atles nel que puen estremase en cada parroquia los llugares colos topónimos que-yos correspuenden. Dende'l CeCodet aseguren que con esti estudiu volvieron del escaezu bien de llugares y quedó afitada la bayura toponímica del conceyu.

Contador Estadistiques