Un tiburón exóticu llega a la rula de Xixón

El Centru pa la Protección y l'estudiu de les Especies Marines (CEPESMA) dio anuncia de l'apaición na costa asturiana d'un tiburón hexanchus griseus o "Cañabota" l'exemplar, de 620 kilos de pesu y 4,10 metros de llargo llevólu hasta la rula d'El Musel el barcu arrastreru Elanis Berria de Bermeo.

Esti tiburón correspuende a una especie depredadora y mui agresiva, según apunten dende'l CEPESMA. La so presencia na costa asturiana ye rara enforma en cuantes qu'estos animales suelen vivir en profundidaes d'alredor de los 2.000 metros y agües oceániques. Más estrañu ye'l fechu de que l'animal que quedó prendíu nes redes del arrastreru sía una fema preñada y que taba pa parir un total d'ochenta y siete críes. Los técnicos del CEPESMA apunten que nesta variedá de tiburones, como n'otres munches, dase un fenómenu que se conoz por ovofaxa y que consiste en que los fetos más desarrollaos comen dientro del úteru a los sos hermanos qu'entovía nun pasaron de la fase de güevos.