Un Sporting desnortiáu dase n’Almería

Na selmana en que se confirmó'l desastre económicu que va llevar al equipu a pasar per intervención xudicial nel añu del so centenariu, el Sporting dexóse llevar y perdió n'Almería dándo-y facilidaes al equipu andaluz pa que siga en segunda. L'equipu asturianu salió ensin rixu al campu y anque tuvo dalguna llegada, foi l'Almería'l que s'aelantó nel marcador con gol del antiguu futbolista del Sporting Luna, que marcó de cabeza un centru de Martín Vellisca énte'l que nada pudo facer Rafa, porteru suplente que tuvo ayeri los primeros minutos de tol añu. Pablo Álvarez pudo igualar poco dempués, pero la defensa del Almería torgó la internada del sportinguista. Nel segundu tiempu, muncho más aburríu, pudo marcar Calandria, pero l'arrebatedor del Almería echóla a corner. Derrota pola mínima no deportivo y situación comprometida enforma no económica, cola plantiya amenazando nun salir a xugar en casu de nun cobrar.