La Place des Pays Celtes pasa a acoyer tolos pabellones de les naciones participantes nel Interceltique de Lorient y cuenta con un chigre y escenariu únicu con cerveza asturiana.
La gran novedá d'esta edición del festival bretón ye la reestructuración d'esti espaciu, onde l'añu pasáu taba asitiada la carpa d'Asturies como país convidáu. Los puestos, hasta agora instalaos na Quai des Pays Celtes, desplácense a esti llugar con un tamañu igual pa toos, y la zona del puertu queda acutada pa restauración bretona.
Los visitantes que s'averen al d'Asturies van poder atopar información turística y una tienda con productos de 'Alimentos del Paraíso Natural'. Va haber a la venta sidra, pero nun se va poder consumir nel llugar poles restricciones esistentes pal usu de cristal nel recintu del festival.
El chigre, al igual que l'escenariu, va ser únicu pa toles naciones celtes. Nél los visitantes van poder consumir cerveza de tolos llugares, cola llangreana Asturias Brewing Company como representante del país.
Na semeya, vista de la Place des Pays Celtes del Festival Interceltique de Lorient col puestu d'Asturies a la derecha xunto al d'Alba.
Adxuntu | Tamañu |
---|---|
![]() | 167.76 KB |