Un plan revolucionariu

El Gobiernu británicu ye'l primer del mundu que va mandase de la enerxía éólico como ún de los pegoyos del sistema enerxéticu del país, y ello emplegando una tecnoloxía nuevo que nun tamos fechos a ver per esta tierra. Ello ye que'l gobiernu inglés dio anuncia de que van instalar miles de molinos de vientu marinos pela costa del país col oxetivu d'igualar la potencia instalao de seyes centrales nucleares y apurrir el 5% del total de corriente que se consume nel Reinu Xuníu, según anunció la ministra de Comerciu y Industria Patricia Hewitt.

Greenpeace y Amigos de la Tierra yá bendixeron esti apueste del gobiernu pola eólica que va suponer, en datos oficiales, la creación de más de 20.000 puestos de trabayu. La ministra esplicó tamién que'l gobiernu tien yá arrendaes tres faces de territoriu nel agua pa poner nelles miles de molinos. La canal de noticies de la BBC, qu'enancha esta información, recueye güei tamién les quexes de la industria de la pesca, la única que s'opón al proyectu