Un ordenador nuna fueya

Eso ye lo que podemos tener colos tablet PC, l'últimu berru en materia d'informática personal que l'equipu d'Asturies.com pudimos estrenar l'otru día con ocasión del dispositivu especial pa cubrir les elecciones autonómiques. Del tamañu d'una fueya din a-4 y de poco más de 2 cmts de gordu, el Tablet PC vien a ser como un ordenador portatil, pero entovía muncho más recoyíu y con detalles de calidá como la pantalla táctil, cola que nun precisa de tecláu pa les fonciones básiques, anque si que dispón d'ún auxiliar pa poder escribir en condiciones.

Podría pensase qu'un ordenador tan ruinucu nun pue tener les prestaciónes d'ún PC normal, pero lo cierto ye que la unidá que probemos, una de les primeres que llegaron a Asturies de la marca Compaq, dispón d'un discu duru de 20 gb y un procesador de 1 ghz, lo que lu dexa al altor de cualquier ordenador portatil normal. Xunta esto, el Tablet nun precisa de ventiladores pa caltener la temperatura, colo que ye silenciosu dafechu, y amás dispón de dispositivu pa la conexón a rede internet ensin cables. ¿El preciu? sobre 3.600 euros. Pa ver toles característiques del aparatu, calcar equí