Un muséu pa la tonada

Anque inda nun haya na afitáu, empieza a garrar cuerpu una vieya aspiración de la xente que ta al rodiu de la canción tradicional asturiana, tener un llugar onde pueda mostrase la hestoria de la nuestra canción, un archivu, espacios pa poner más facil la investigación..etc.El colectivu Idea, que ta formáu pola Asociación d'Interpretes de la Canción Asturiana y Asociación d'Interpretes de la Canción Ayerana y l'Asociación de Canción y el Folclore del Valle del Nalón, lleva tiempu manteniendo conversaciones col Conceyu de Mieres, que sería'l llugar escoyíu p'acoyer el muséu, y el Principáu d'Asturies.El proyectu tendría un presupuestu inicial d'un millón d'euros pal remocique y acondicionamientu d'un edificiu de 500 m cuadrados, que ta na zona de la Pasera de Mieres. L'edificiu contaría con una sala d'esposiciones, un chigre, sala d'estudios, biblioteca, hemeroteca, sales de grabación y audición, tamién podría llegar a contar con una sala d'ensayos y una escuela de formación.Ya ye hora de que se vayan faciendo espacios d'esti tipu pa que la tonada vaya saliendo d'esa especie de pigazu nel que ta, y recupere la posición que como parte de nuestra cultura asturiana merez, esperemos qu'esta vez seya la de verdá y nun quede pa prau como pasó otres vegaes.

Contador Estadistiques