Un llibru y una esposición faen alcordanza de la masacre de Valdediós

N'ochobre del 1937, la tropa franquista qu'avanzaba pa contra Xixón tomó Villaviciosa asesinando al personal del hospital siquiátricu que taba asitiáu provisionalmente nel Monesteriu de Valdediós, enterrando darréu los cuerpos nuna fosa común. La güelga d'aquella muestra de barbarie recuperóse nel branu del 2003, cuando un grupu de voluntarios recuperaron de la fosa 17 de los cuerpos dientro d'una campaña que llevaron alantre los voluntarios de l'Asociación pa la Recuperación de la Memoria Histórica y el Serviciu Civil Internacional

L'ilustrador inglés Simon Manfield foi ún d'estos voluntarios que trabayaron en Valdediós, y, amás del so llabor como cooperante, fizo tamién una serie de grabaos y debuxos qu'agora puen vese nel foru de la llibrería Cervantes d'Uviéu dempués de pasar pelatenéu obreru de Villaviciosa. Xunta estos grabaos, una nueva novela vien a enanchar el campu de la memoria histórica sobre estos fechos. Trátase de la obra "El Valle de Dios" (Ed. Mountainsoft caminos) de l'autora Marta Capín Rodríguez. El llibru defínese como "una historia real qu'abre la puerta de la reflexón sobre un tiempu escuru de la nuestra historia más de recién" y trata de reconstruyir "ensin prexuicios políticos" los socesos qu'arrodiaron la masacre del personal sanitariu de Valdediós
Más información nesta web